नेकपा सचिवालयका पदाधिकारीहरू ।
काठमाडौं, २२ मंसिर । नेपाल कम्युनिस्ट पार्टी (नेकपा) का बैठकहरू यतिबेला गाइजात्रा झैं हुन थालेका छन् । पार्टी र सरकारसँग सम्बन्धित कैंयाैं विषयमा अालाेचना र उजूरीकाे चाङ भएपनि त्यसलाइ सम्बाेधन गर्न मुख्य नेताहरूले खासै पहल नगरेकाे अाक्षेप लाग्ने गरेकाे छ ।
तर अाश्चर्य, ताेकिएकाे बैठक समेत हुन नसकेर बैठक नै बहिस्कार गर्नु परेकाे पार्टीकै प्रवक्ताकाे भनाइ सार्वजनिक भएकाे छ । शुक्रबारकै लागि डाकिएकाे सचिवालय बैठक शनिबार पनि नेताहरू भेला हुन नसकेर स्थगित भएकाे छ ।
केही संचार माध्यमले चार नेताले बैठक नै बहिस्कार गरेकाे जनाएका छन् । एकनाथ ढकालकाे अग्रसरतामा भएकाे इसाइहरूकाे सम्मेलनकाे मुख्य हर्ताकर्ता रहेका वरिष्ठ नेता माधवकुमार नेपाल पनि बैठकमा सहभागी भएनन् । उक्त सम्मेलनप्रति नेकपाकै नेताहरूबीच मत बाझिएकाे छ । नेताहरू झलनाथ खनाल, वामदेव गौतम र प्रवक्ता नारायणकाजी श्रेष्ठ पनि सचिवालय बैठकमा उपस्थित भएनन् ।
नेकपा सचिवालय बैठक अपराहृन ३ बजे प्रधानमन्त्री निवास बालुवाटारमा बोलाइएको थियो ।
तर, प्रवक्ता श्रेष्ठले आफूले सधैँ समयको पालना हुनु पर्नेमा जोड दिँदै आएको बताउनुभयाे । अरु कार्यक्रम र बैठकहरुमा निर्धारित समयमा पुग्ने र १५ मिनेटसम्म सुरु नभए हिँड्ने गरेको भन्दै उहाँले भन्नुभयाे, ‘आज पनि २० मिनेट कुरेँ । बैठक सुरु नभएपछि हिँडेको हुँ ।’
पार्टी महासचिव बिष्णु पौडेलले उक्त प्रकरणमा प्रतिकृया दिनुभएकाे छः
जम्मा ३ बजेर १७ मिनेट भएको थियो । अध्यक्षद्धय बैठक कक्ष आउँदै हुनुहुन्थ्यो, उहाँहरु गइसक्नु भएछ । हामीलाई पनि अचम्म लाग्यो । समय महत्वपूर्ण हो तर यो घटना यही मुद्दाबाट मात्र निर्देशित देखिंदैन ।
यसै प्रसंगमा नेकपाका केन्द्रीय सदस्य एवं माधव नेपाल प्रधानमन्त्री हुँदा उहाँका प्रेस सल्लाहकार रहनुभएका विष्णु रिजाल ट्वीटर र फेसबुकमा लेख्नुहुन्छः
“बालुवाटारको आजको घटनापछि ८ बर्षअघि तत्कालीन अध्यक्ष कमरेड झलनाथ खनाल प्रम हुँदाको घटना सम्झना भएको छ । प्रवेशद्वारमा प्रहरीले ‘भित्रबाट हजुरहरूको नाम आएको छैन, भित्र सोध्छौं हजुर’ भन्दा कमरेड केपी ओली ‘यस्तो अपमान सहिंदैन’ भनेर एक मिनेटमा त्यहाँबाट फर्किनुभएको थियो र त्यसपछि जेएन कमरेड प्रम हुँदासम्म बालुवाटारमा पाइला हाल्नुभएन ।”
