सभापति देउवा अनुपस्थित हुँदा बस्नै सकेन संवैधानिक परिषदको बैठक

काठमाडौँ । प्रमुख प्रतिपक्ष दलका नेता नेपाली कांग्रेसका सभापति शेरबहादुर देउवा अनुपस्थित हुँदा संवैधानिक परिषदको बैठक आज पनि स्थगित भएको छ ।

बैठक बिहान ९ बजेका लागि बोलाइए पनि देउवा अनुपस्थित भएकाले बैठक स्थगित भएको छ । बैठक पुनः बिहीबार बिहान ९ बजेका लागि बोलाइएको छ । अन्य पदाधिकारी उपस्थित भए पनि देउवा उपस्थित भएनन् । मंगलबार साँझको बैठक पनि बस्दै नबसी स्थगित भएको थियो । मंगलबार साँझ बैठक स्थगित भएपछि पुस ५ गतेसम्मका लागि बैठक स्थगित गरिएको जानकारी दिइएको थियो। तर, बुधबार बिहानैका लागि बैठक बस्नेगरि सदस्यहरुलाई मंगलबार राति ९ बजे सूचना दिइएको थियो ।

कांग्रेस महासमिति बैठक लगायत रहेकाले नेताहरुको व्यवस्थता भन्दै बैठक स्थगित गरिएको राष्ट्रिय सभाका अध्यक्ष गणेश तिम्सिनाले जानकारी दिनुभएको थियो ।