गुल्मी। परराष्ट्रमन्त्री प्रदीप ज्ञवालीले १७ वर्षपछि अमेरिका र नेपालबीचको सम्बन्ध नयाँ उचाइमा पुगेको बताएका छन् । पहिलोपटक अमेरिकी विदेशमन्त्रीले आफूलाई औपचारिक वार्ताका लागि निमन्त्रणा गरेकोले घन्यबाद ज्ञापन गरेका छन् ।
आइतबार गुल्मी छत्रकोटको जनजागृति माविको स्वर्ण महोत्सव उद्घाटन गर्दै मन्त्री ज्ञवालीले अमेरिकी विदेशमन्त्रीसंग वार्ताले दुई देशबीचको सम्बन्धमा नयाँ आयाम थपिने बताएका हुन् ।
अमेरिकाले नेपाललाई महत्व दिएर औपचारिक वार्ताका लागि निम्ता दिनु नेपालको परराष्ट्र सम्बन्धमा महत्वपूर्ण उपलब्धी भएको मन्त्री ज्ञवालीले जिकिर गरेका छन् ।
