काठमाडौँ । राजधानीमा पछिलो समय पकेट मार्नेको संख्या बढेको छ । महानगरीय प्रहरी वृत्त महाराजगञ्जका अनुसार सार्वजनिक यातायातमा यात्रुहरुको पाकेटमारी गरेर नगद तथा गरगहना लुट्ने सात जनालाई पक्राउ गरेको छ ।
काभ्रेका साइला तामाङ, विवेक तामाङ,विकास श्रेष्ठ, मकवानपुरका अञ्जन पाख्रिन, धादिङका कुमार मिजार, सिन्धुपाल्चोकका पूर्णबहादुर विक र सिन्धुपाल्चोककै सुकमान गदललाई वृत्तबाट सादा पोशाकमा खटिएको टोलीले बसुन्धरा खण्डबाट पक्राउ गरेको थियो । पक्राउ पर्न सातौ जना विगत पाँच महीनादेखि पाकेटमार तथा लुटपाट गर्न क्रियाकलापमा संग्लग्न थिए ।
प्रहरीले पक्राउ गरेका सात जनासँग रु ७० हजार ५०० नेपाली र भारु रु पाँच हजार ५००, विभिन्न देशका नोट ३० थान, विभिन्न कम्पनीका मोबाइल सात थान र गाँजा २०० ग्राम बरामद गरेको छ । पक्राउ परेकासँग आवश्यक अनुसन्धान भइरहेको वृत्तले जनाएको छ ।
