काठमाडौं । सेयर लगानीकर्ताहरुले अर्थमन्त्री डा.युवराज खतिवडाको राजीनामा माग गर्दै काठमाडौंमा आमरण अनसन सुरु गरेका छन ।
एक साता अघिदेखिको सुरु भएको रिले अनसन बेवास्था गरेको भन्दै आज काठमाडौंको भद्रकालीस्थित नेपाल स्टक एक्चेन्ज कार्यालयको मूलगेटमै आमरण अनसन सुरु गरेका हुन् ।
सोमबारदेखि सेयर लगानीकर्ता दवाव समूह खडा गरि आमरण अनसन सुरु गरिएको हो ।आफूहरुको माग सम्बोधनका लागि अर्थ मन्त्रालयद्वारा गठित उच्चस्तरीय अध्ययन समितिको कामै नभएको भन्दै अर्थ मन्त्रिको राजिनामा माग गरेका हुन् ।
सेयर लगानीकर्ताहरुबाट कर असुलीमा समेत वृद्धि गरेपछि लगानीकर्ताहरु सरकारसँग आक्रोशित भएका हुन् । उनीहरुले आफूहरुको लगानीको सुरक्षा गर्न माग गर्दै सरकारलाई दवाव दिन यस अघि पनि नेपाल स्टक एक्सचेञ्जको कार्यालयमा धर्नासहितका विरोध प्रर्दशनको कार्यक्रम गर्दै आएका छन् । तर त्यसको पनि सुनुवाइ सरकारले नगरेपछि आमरण अनसनमा बस्नुपरेको सेयर लगानीकर्ताको भनाइ छ ।
