काठमाडौं । राजधानीमा चलिरहेको नेपाली कांग्रेस महासमितिको बैठक पुनः स्थगित भएको छ ।
बुधबार केही समय बैठक बस्दा कांग्रेसको संशोधन गर्न भनिएको विधान मस्यौदा नै नपाएपछि महासमिति सदस्यहरुले होहल्ला गरेका थिए ।
महासमिति सदस्यहरुबीच मंगलबार धक्कामुक्का भएपछि बन्दसत्र स्थगित भएको थियो ।
शीर्ष नेताहरुबीच सहमति भएको भनिएको विधान संशोधनका विषयमा केन्द्रीय कार्यसमितिमा छलफल आवश्यक रहेको भन्दै बन्दसत्र स्थगित गरिएको एक नेताले बताए ।
कांग्रेसको महासमिति बैठक शनिबारदेखि शुरु भएको छ । बैठकमा महासमिति सदस्य र पर्यवेक्षक गरी करीव १ हजार ७ सय सहभागी छन् ।
