काठमाडौ । कम्युनिष्ट सरकार मन्त्रीहरु भने करोडौका गाडीमा चढेको तथ्य फेला परेको छ । नयाँ पत्रिका दैनिकका अनुसार रक्षामन्त्री ईश्वर पोखरेलले नेपाली सेनाबाट प्राप्त करिब २ करोड पर्ने टोयोटाको ल्यान्डक्रुजर, मन्त्रालयबाट प्राप्त करिब पचास लाखको स्कारपियो र गृह मन्त्रालयले दिएको लाखौको एउटा कार प्रयोग गर्दै आएको बुझिएको छ ।
यस्तै गृहमन्त्री राम बहादुर थापा एक करोड ५५ लाख पर्ने मिन्सुबिसी पजेरो चड्छन् भने स्वास्थ्यमन्त्री उपेन्द्र यादब पनि कुनै मन्त्री भन्दा कम नभई करिब २ करोडको गाडी चढेका छन् ।
कानुनमन्त्री भानुभक्त ढकाल टोयोटा कम्पनिको करोडौ पर्ने गाडीमा चढ्ने गरेको नयाँ पत्रिकाले समाचार लेखेको छ । अर्थमन्त्री युवराज खतिवडा एक करोड बराबरको निसान एक्स–ट्रायल कम्पनिको गाडी चढ्दै आएका छन् । बनमन्त्री शक्ति बस्नेत, खानेपानी मन्त्री विना मगर र सञ्चारमन्त्री गुकुल बास्कोटा पनि कुनै मन्त्री भन्दा कम भने छैनन् उनले चढ्ने गाडी पनि ल्याडक्रुजर प्राडो चढ्दै आएका छन् । @नयाँ पत्रिका
