काठमाडौँ । छपाइ बिग्रेका नोटहरुको सटही गरी पुन नयाँ नोट लिनको लागि राष्ट्र बैंकले सर्वसाधारणलाई आग्रह गरेको छ । मेशिनरी त्रुटिका कारण छपाइ बिग्रेका नोट बजारमा भेटिन थालेपछि बिग्रेका नोटहरुको संकलनका लागि राष्ट्र बैंकले सुचना जारी गरेर फिर्ता लिन लागेको हो । बुधबार सार्वजनिक सूचना मार्फत राष्ट्र बैंकले पुर्ण मुल्य बराबरको रकमको भरपाई गर्ने निर्णय गरेको हो ।
राष्ट्र बैंकबाट छपाइ गरिएका नोटहरूमा छपाइ बिग्रेको वा कुनै किसिमको त्रुटि भएको पाइएमा उक्त नोटहरू सट्टा भर्ना गरिने भएकाले आफ्नो नजिकको राष्ट्र बैंकको कार्यालयमा गई सटही गर्न सम्बन्धित सबैका लागि यो सूचना प्रकाशन गरिएको छ,’राष्ट्र बैंकले जारी गरेको सूचनामा उल्लेख छ ।
सूचनामा आफूलाई पायक पर्ने जुनसुकै राष्ट्र बैंकको साखा मार्फत छपाइ बिग्रेका नोट सटही गर्न आग्रह गरे पनि सर्वसाधारणलाई अन्य बैंक तथा वित्तीय संस्थामार्फत पनि सटही सुविधा दिइने राष्ट्र बैंकले जनाएको छ ।
