सिन्धुपाल्चोक । नेपाल र चीनबीचको प्रमुख व्यापारिक नाका मानिएको सिन्धुपाल्चोकको तातोपानी भन्सार आगामी वैशाख १८ देखि सञ्चालनमा आउने भएको छ । बि.स २०७२ को बिनाशकारी भूकम्पले क्षति पुर्याएको नाका हालसम्म सञ्चालनमा आउन सकेको थिएन ।
तातोपानी नाका सञ्चालनका लागि यतिबेला नेपाल–चिन सीमा क्षेत्रमा तीव्र गतिमा काम भइरहेको छ। मितेरी पुल,भन्सार चेक जाँच कार्यलय लगाएतका भैतिक संरचनाको क्षति पुगेपछि पुन निर्माण हुन सकेको थिएन ।
भैतिक संरचनाको पुन निर्माण पछि आगामी वैशाखबाट नाका सञ्चालन हुन लागेको चिनियाँ उच्च स्रोतले जानकारी दिएको छ। नाका सञ्चालनका लागि वैशाखको पहिलो सातासम्म पूर्वाधारको काम सकिने चिनियाँ ठेकेदारले बताएको भोटेकोशी गाउँपालिकाका अध्यक्ष राजकुमार पौडेलले जानकारी दिए।
