काठमाडौँ । मुख्य ठेकेदार सिएमसी डि रेभेन्नाले काम छाडे पनि सरकारले भने मेलम्ची खानेपानी आयोजना समयमै सक्काउने दाबि गरेको छ। वित्तीय रूपमा सिएमसी कमजोर भएको भन्दै आयोजनाबाट हात निकालन लागेपछि मन्त्रालयल आफ्नो बचाउँमा जुटेको हो ।
मन्त्रालयल यदि सिएमसीले काम छोडे पनि आफूहरूलाई आर्थिक क्षति नहुने दाबी गरेको छ। खानेपानी मन्त्री बिना मगरले मेलम्चीको विषयमा सिएमसिसँग वार्ता जारी रहेको भन्दै आयोजनाको काम सम्पन्न गर्न विभिन्न विकल्पहरुमा छलफल भइरहेको जानकारी गराइन्।
काम गर्न नसक्ने अवस्था आए पनि सिएमसीको ३ अर्ब ५० करोड छ, अब लाग्ने लागत २ अर्ब ६० करोड मात्रै भएकाले फाईदा हुने मगरले जानकारी दिएकि हुन् ।नयाँ निमार्ण कम्पनिसँग फेरि सम्झौता गर्दा ढिलाई हुने भएकाले सिएमसीको रकम रोक्का गर्न आफूहरूले पत्राचार गरिसकेको जानकारी गराइन्।
खानेपानी आयोजनाको सुरुङको फिनिसिङलगायतका केही काम मात्र बाँकी भएको अवस्थामा आफूले काम गर्न नसक्ने बताउँदै सिएमसी कम्पनीले हात झिक्न खोजेको हो । सिएमसीले आफूलाई झण्डै एक अर्ब रुपैयाँ घाटा भएको भन्दै समयमै क्षतिपूर्ति रकम पाए मात्र काम गर्ने जनाएको छ।
