काठमाडौँ । ग्रामीण क्षेत्रको शैक्षिक गुणस्तर सुधार गर्न विगत पाँच वर्षदेखि स्वयंसेवी शिक्षकको रूपका कार्यरत गजेन्द्र राना ‘गजेन्द्र सर’ लाई स्वयम्भूस्थित दि एक्सेल्सियर स्कुलले नगद रु।५० हजार सहित सम्मान गरेको छ ।
‘गजेन्द्र सर’ नामले सुपरिचित रानाले सुर्खेतको गुर्भाकोट नगरपालिका १४, गुमीस्थित श्री जनसंयुक्त प्राथमिक विद्यालयमा विसं २०७१ देखि स्वयंसेवी रुपमा शिक्षण गरेको मात्र नभई उक्त विद्यालयलाई एक उत्कृष्ट गुणस्तरीय नमूनाको रुपमा विकास गर्नुभएको छ ।
ग्रामीण क्षेत्रको सरकारी विद्यालयमा स्वयंसेवक शिक्षकको रूपमा सेवा गरी विद्यालयको स्तरोन्नतिका लागि महत्वपूर्ण योगदान पुर्याए बापत उहाँलाई यस विद्यालयका कक्षा तीनका विद्यार्थीहरूद्वारा विद्यालयमा सञ्चालन गरिएको बजार क्रियाकलापबाट उठेको रकमबाट रु। रु पचास हजार नगदसहित सम्मान गरिएको हो ।
उक्त विद्यालयमा आज भएको एक कार्यक्रममा विद्यालयका प्रबन्ध निर्देशक राम बस्नेतले सम्मान पत्र प्रदान गर्नुभएको थियो भने कक्षा तीनका विद्यार्थीहरूले सामुहिक रुपमा सो रकमको चेक हस्तान्तरण गरेका थिए ।
शिक्षक रानाले पाँच वर्षदेखि सो सामुदायिक विद्यालयमा रही स्वयंसेवी रुपमा पठनपाठन गरी शिक्षाको गुणस्तर सुधार गर्नुभएको छ । रासस
