काठमाडौं । दोस्रो तथा अन्तिम टेष्ट क्रिकेट खेलमा घरेलु टोली न्युजिल्यान्डले श्रीलंकाविरुद्ध कमजोर खेल खेलेको छ । क्राइष्ट चर्चमा टस हारेर पहिले ब्याटिङ गरेको न्युजिल्यान्डले आफ्नो पहिलो इनिङमा सबै विकेटको क्षतिमा १७८ रन बनाएको हो ।
न्युजिल्यान्डका लागि टिम साउथी र ब्राड्ली जोहन वाटलिङले बाहेक अन्य कुनै पनि खेलाडीले राम्रो खेल प्रदर्शन गर्न नसेकोले मध्यम स्कोर मात्रै खडा गरेको हो । साउथीले ६८ रन बनाए भने वाटलिङले ४६ रन बनाउनु बाहेक अरु सबै खेलाडि सस्तैमा समेटिएका थिए ।
श्रीलंकाका लागि सुुरंगा लकमलले १९ ओभर बलिङ गर्दै पाँच मेडन ओभर राखेर ५४ रन खर्चिदै पाँच विकेट लिन सफल mिएका थिए भने लाहिरु कुमराले तीन विकेट लिएका हुन् ।
न्युजिल्यान्डलाई सस्तैमा समेट्दै आफ्नो पहिलो इनिङ्सको ब्याटिङ थालेको श्रीलंकाको पनि हालत उस्तै भएको छ । पहिलो दिनको समाप्तिसम्म श्रीलंकाले आफ्नो महत्वपूर्ण चार विकेट गुमाउँदा ८८ रन मात्रै बनाएको छ ।
