चितवन । नेकपा एमालेको १०औं महाधिवेशनको बन्द सत्र सुरु भएको छ । निर्धारित समय भन्दा झण्डै ६ घण्टा ढिलो सुरु भएको बन्दसत्र अध्यक्ष केपी शर्मा ओलीले र एमाले महाधिवेशनको निमन्त्रणामा नेपाल आएका विदेशी पाहुनाहरुले सम्बोधन गर्ने कार्यक्रम रहेको छ ।
अध्यक्ष ओली केहीबेर अगाडि बन्दसत्र स्थल सौराहास्थित होटल सेभेन स्टारमा पुग्नु भएको छ । बन्दसत्रले एमाले केन्द्रीय कमिटीको बैठकले शुक्रबार साँझ गरेको विधान संशोधनलाई पनि अनुमोदन गर्नेछ ।
गत असोजमा ललितपुरको गोदावरीमा गरिएको विधान शंसोधनलाई पुनः शंसोधन गर्दै पदाधिकारी सहित पोलिटव्युरो र केन्द्रीय सदस्यहरुको संख्या थप गर्ने निर्णय गरेको थियो । आजै उम्मेदवारी मनोनयनको कार्यतालीका समेत रहेको छ ।
