काठमाडौं । नेकपा माओवादी केन्द्रका अध्यक्ष पुष्पकमल दाहालले एमालेको महाधिवेशनलाई ‘कुम्भमेला’ संज्ञा दिनुभएको छ । माओवादी केन्द्रको पालिका अधिवेशनलाई भर्चुअल माध्यमबाट उद्घाटन गर्दै दाहालले भन्नुभयो 'हिजो हामीले कुम्भमेलाजस्तो मेला देख्यौं । जहाँ विचार र बहसलाई कुनै ठाउँ छैन । त्यहाँ जनतालाई भ्रम दिने ध्यान मात्रै छ ।'
पार्टी स्थायी समिति सदस्य लिलामणी पोखरेललाई शुभकामना मन्तब्य दिन पठाउनु भएका दाहालले एमालेको महाधिवशेनलाई तथाकथित भन्दै टिप्पणी गर्नुभयो । समारोहलाई भर्चुअल सम्बोधन गर्दै प्रचण्डले शान्तिप्रक्रियामा आएपछि आफ्नो पार्टीभित्र विचार संश्लेषणको पक्षमा कमजोरी रहेको बताउनु भयो । उहाँले इतिहासको नयाँ संश्लेषण गर्ने गरी आफूले राष्ट्रिय सम्मेलनका लागि दस्तावेज लेखिरहेको बताउनुभयो ।
