काठमाडौँ । अस्ट्रेलियासँगको अन्तिम तथा चौथो टेष्ट क्रिकेटको पहिलो दिनको समाप्तिमा भारतले ४ विकेट गुमाउँदै ३०४ रन बनाएको छ।

सिड्नी क्रिकेट मैदानमा टस जितेर पहिले ब्याटिङ गरेको भारतले चेतेश्वर पुजाराको शतकीय इनिङ्ससँगै ४ विकेट गुमाएर पहिलो दिनको समाप्तिसम्म ३०४ रन बनाएको हो।
पहिलो दिनको समाप्तिमा पुजारा १३० र हनुमा विहारी ३९ रन बनाएर क्रिजमा छन्।
भारतका लागि ओपनर मयङ्क अग्रवालले ७७, के एल राहुलले ९, कप्तान विराट कोहलीले २३ तथा अजिन्का रहाणेले १८ रन जोडेका थिए।

पुजाराले आफ्नो चौथो टेस्ट म्याचमा तेस्रो शतक पुरा गरेका हुन्। एडिलेडमा पहिले टेस्ट म्याचमा उनले १२३ रन बनाएका थिए भने मेलबर्नमा भएको तेस्रो टेस्टमा १०६ रनको पारी खेलेका थिए।
चार खेलको टेस्ट क्रिकेट शृंखलामा भारत २-१ ले अघि छ। भारतले अहिलेसम्म अष्ट्रेलियाविरूद्ध उसकै गृह मैदानमा सिरिज जितेको छैन।

१० रन हुँदा पहिलो विकेटको गुमाएको भारतले सुरूवात खराब गरेको थियो।
मयङ्क अग्रवालसँगै ओपनिङमा आएका के।एल। राहुलले दोस्रो ओभरको तेस्रो बलमा ९ रन बनाउँदै आउट भएका थिए।
त्यसपछि मयङ्कले चेतेश्वर पुजारासँग मिलेर भारतीय इनिङ्स उकासे। ११२ बल खेल्दै ७७ रन बनाएर मयंक आउट भए उनले ७ चौका र दुई छक्का प्रहार गरेका थिए।

मयंक अग्रवालले हालै बक्सिङ डे टेस्ट म्याचमा डेब्यू गर्दै सानदार ७६ रन बनाएका थिए।

कालो पट्टी बाँधेर उत्रियो भारतीय टोली

सचिन तेन्दुलकर, विनोद कांबली र प्रवीण आमरे जस्ता क्रिकेटरका कोचसमेत रहेका रमाकान्त अचरेकरको निधनमा भारत र अष्ट्रेलिया दुबै टिमका खेलाडीहरू उनको सम्मान गर्दै बायाँ हातमा कालो पट्टी बाँधेर मैदान उत्रिएका छन्।
भारतले यस खेलमा स्पिनर रविचन्द्रन अश्विन र तिब्र गतिका बलर ईशान्त शर्मालाई आराम दिएको छ।

यस्तै अस्ट्रेलियाले पनि आफ्नो टिममा केही परिवर्तन गरेको छ। अस्ट्रेलियाले एरन फिन्च र मिचेल मार्शको स्थानमा मार्नस लेबस्केग्नी र पीटर ह्याड्सकम्बलाई खेलाइएको छ।

चारतीय टोलीका लागि स्पिनको जिम्मेवारी अब कुलदीप यादव र रविन्द्र जडेजाले सम्हाल्नेछन्।
यस्तै तिब्र बलिङमा मोहम्मद शामी र जसप्रीत बुमराहले भूमिका निभाउनेछन्।