काठमाडौं । सहिद स्मारक ‘ए’ डिभिजन लिग फुटबल अन्तर्गत आज आइतबार एक खेल हुँदैछ ।
त्रिपुरेश्वरस्थित दशरथ रंगशालामा हुने एक मात्र खेलमा जावलाखेल युथ क्लब र नेपाल पुलिस क्लबबीच प्रतिस्पर्धा हुनेछ । उक्त खेल दिउँसो ४ः४५ बजे सुरु हुनेछ ।
पहिलो खेलमा मनाङ मर्स्याङ्दीसँग १–० ले पराजित भएको जावलाखेल पहिलो जितको खोजीमा हुनेछ ।
यसैगरी पहिलो खेलमा डर्बी क्लब त्रिभुवन आर्मीसँग १–१ गोलको बराबरी खेलेको पुलिस पनि पहिलो जितको खोजीमा हुनेछ ।
दुबै टिम स्पष्ट जित निकाल्दै महत्वपूर्ण ३ अंक बटुल्ने रणनीतिका साथ मैदान उत्रनेछन् ।
