काठमाडौं । अष्ट्रेलियाका लागि विवादास्पद नेपाली राजदूत लक्की शेर्पालाई सरकारले बर्खास्त गरेको छ । सोमबार बसेको मन्त्रिपरिषद् बैठकले शेर्पालाई हटाउने निर्णय गरेको मन्त्रिपरिषद स्राेतले जनाएकाे छ ।
परराष्ट्र मन्त्रालयले राजदूत शेर्पासँग उहाँका निजी चालकसँग भएकाे लेनदेन विवादका विषयमा स्पष्टीकरण सोधेको थियो । साथै उहाँमाथि मानव बेचबिखनमा संलग्न रहेकाे र कतिपय मानिसलाइ अस्ट्रेलिया र अमेरिका लगिदिने भन्दै पैसा उठाएकाे अाराेप छ । यद्यपी शेर्पाले उक्त भनाइकाे खण्डन गर्नुभएकाे छ ।
बैठकले राष्ट्रिय अनुसन्धान विभागका प्रमुख दिलिप रेग्मीलाई हटाएको छ । मन्त्रिपरिषदले रेग्मीकाे स्थानमा गणेश अधिकारीलार्इ नियुक्त गरेकाे बताइएकाे छ ।
