धनुषा । सत्तारुढ दल नेपाल कम्युनिष्ट पार्टी (नेकपा)का वरिष्ठ नेता माधवकुमार नेपाल गर्जिएका छन् । नेता नेपालले प्रतिपक्षी दल तथा विरोधीले वर्तमान सरकारको लोकप्रियता देखेर आतिएको आरोप लगाएका छन् ।
उनले सरकारको लोकप्रियतामाथि भएको दुष्प्रचारको पछि नलाग्न कार्यकर्तालाई दृढतासाथ सरकारको बचाउ गर्न आह्वान गरे । नेता नेपालले वर्तमान सरकारको लोकप्रियता देख्न नसकेर प्रमुख प्रतिपक्षी दल काङ्ग्रेसमा आत्तिएको र निरासाको प्रवृत्ति बढेको भन्दै जोगिन कार्यकर्तालाई आग्रह गरे।
जनकपुरमा आयोजित कार्यक्रममा उनले विरोधीले सरकारको काम नै देख्न नसकेर सरकारले अधिनायकवाद ल्याउन खोजेको आरोप लगाइ रहेको बताए ।
नेता नेपालले भने, “वर्तमान सरकारको काममा केही कमी कमजोरी हुन सक्छ तर सरकारको नियतमा बेइमानी छैन ।”नेता नेपालले दुई वर्ष भित्र पार्टीको राष्ट्रिय महाधिवेशन गर्ने तयारी रहेको बताए ।
