बुटवल । सरकारी निकायले एउटै कम्पनीका उस्तै दुई गाडी दुई फरक मुल्यमा खरिद गरेपछि विवाद चर्किन थालेको छ । सांसदहरुले उक्त गाडि खरिदमा आर्थिक घोटला भएको भन्दै बिरोध गर्न थालेका छन् ।
प्रदेश नम्बर ५ कोप्रदेशसभा र मन्त्रायलहरुले किनेका एउटै गाडीको मूल्य धेरै फरक देखिएको छ । सचिबालयले करिब ९ करोड रुपैयाँमा १३ वटा टाटा स्ट्रोम गाडी खरिद गरेको थियो । खरिद गरेको गाडी प्रदेश सभाका उपसभामुख, सात समितिका सभापति र प्रमुख प्रतिपक्षी दलका नेताले चढ्दै आएका छन् ।
कृषि भूमि व्यवस्था तथा सहकारी मन्त्रालयसँगै उद्योग, पर्यटन, वन तथा वातावरण मन्त्रालय र सामाजिक विकास मन्त्रालयले प्रदेश सभाले भन्दा १ लाख ४ हजार बढी मुल्यमा सोही गाडी खरिद गरेका छन् । सो गाडीमा मन्त्री लिला गिरी, सुदर्शन बराल र आरती पौडेल चढ्दै आएका छन् ।
मन्त्रालयले ७२ लाख ९९ हजारमा खरिद गरेको थियो भने प्रदेश सभाले ७१ लाख ९५ हजारमा किनेको हो । कम्पनीबाटै एउटै भएपनि समान गाडिको मुल्यमा धेरै फरक पर्न गएको प्रति सांसदहरुले चासो राखेका हुन् । प्रदेश सभाका समिति सभापतिहरुले एउटै गाडिमा दुई करोड भन्दा धेरै घोटाला भएको आशंका गरेका छन् ।
