काठमाडौँ । नयाँ शक्ति पार्टी, नेपालका संयोजक बाबुराम भट्टराईले वाइड बडी विमान खरिद प्रकरणमा प्रधानमन्त्री केपी शर्मा ओली र शेरबहादुर देउवाको मिलेमहत्तो रहेको आरोप लगाएका छन् ।
उनले हावा नचलिकन पात नहल्लिने भन्दै सत्तारूढ नेकपा र प्रमुख प्रतिपक्ष दल नेपाली कांग्रेसका मुख्य नेताहरू नै संलग्न रहेको उनले आरोप लगाएका हुन् ।भट्टराईले प्रधानमन्त्री ओली र देउवाबीच सो प्रकरणलाई ढाकछोप गर्ने सहमति भएको र उक्त प्रकरण ढाकछोप गरेर नछोप्पिने उल्लेख गरेका छन् ।
बुधबार काठमाडौंमा आयोजित एक कार्यक्रममा बोल्दै उनले, वाइड बडी विमान खरिदमा भएको भ्रष्टाचारमा संलग्नलाई कारबाहीको दायरामा ल्याउन सडक र सदन दुवै ठाउँमा संघर्ष गर्ने घोषणा पनि गरेको छ।
वाइड बडी विमान खरिदमा करिब ४ अर्ब ३५ करोडको भ्रष्टाचार भएको ठहर संघीय संसदको सार्वजनिक लेखा समितिले गरेको थियो।
