काठमाडौँ । न्याय परिषद सचिवालयका तत्कालीन लेखापाल शिवहरि ढकालले रकम हिनामिना गरेको खुलेको छ । ढकालले लेखापाल हुदाँ तलबी भरपाईको जोडजम्मामा फरक पारी खर्च लेखेको खुलेको हो ।
हाल खनियावास गाँउपालिकाको कार्यालय, दार्खा, धादिङ्गमा कार्यरत शिवहरि ढकालले न्याय परिषद सचिवालयमा कार्यरत रहँदा आर्थिक वर्ष २०७२/०७३ को लेखापरीक्षण हुँदा लेखापरीक्षण प्रतिवेदनमा कुल रू २४,४६,२१२ रकम बराबरको सरकारी रकम तलबी भरपाई समेतका आधारमा बढी रकम भुक्तानी हुने गरी हिनामिना गरेको अख्तियारका सह–सचिव रामेश्र्वर दंगालले जनकारी दिएका हुन् ।
ढकाललाई भ्रष्टाचार निवारण ऐन, २०५९ को दफा १७ बमोजिमको कसुर अपराध गरेको पुष्टि हुन आएको हुँदा निजलाई बिगो रू २४,४६,२१२ कायम गरी भ्रष्टाचार निवारण ऐन, २०५९ को दफा ३ को उपदफा (१) र दफा ३ को उपदफा (१) को देहाय (च) बमोजिम सजाय हुन मागदाबी सहित आज विशेष अदालत काठमाडौंमा सचिव दंगालले आरोप–पत्र दायर गरेका छन् ।
