काठमाडौं । नागरिकतासम्बन्धी विधेयक फिर्ता लिन माग गर्दै बुधबार पुष्पलाल अध्ययन समाजले सभामुख कृष्णबहादुर महरालाई ज्ञापनपत्र बुझाएको छ ।
समाजले हाल नेपाल भित्र बसोबास गरिरहेका नेपालीसँग कति नक्कली नागरिकता छ भन्ने कुराको छानबिन नगरिकन नागरिकता विधेयक अगाडि नबढाउन माग गरेको हो ।
समाजका अध्यक्ष लोककृष्ण भट्टराईले नागरिकता छानबिन गर्न शक्तिशाली आयोग गठन गर्नुपर्ने र हालको नागरिकता विधेयक फिर्ता लिनुपर्ने भन्दै सभामुखलाई ज्ञापनपत्र बुझाएको बताए ।
वरिष्ठ अधिवक्ता बोर्णबहादुर कार्कील भारतीयलाई नागरिकता दिँदा रैथाने मधेशीको भाग खोसिएको भन्दै विदेशी बहुमतमा पर्ने नेपाली अल्पमतमा पर्ने स्थिति आउने दावी गरे ।
ज्ञापनपत्र बुझ्दै सभामुख महराले विधेयक फिर्ता लिने विषय आफ्नो नभई सरकारको कार्यक्षेत्रमा पर्ने बताए । आफुले चाहेर मात्रै बिधेयक पास र फिर्ता नहुने भएकाले सरकार सामु आवाज उठाउने बताएका छन् ।
