काठमाडौं । तीन हप्तादेखि दिनदेखि आमरण अनसन बसेका सत्याग्रही डा गोविन्द केसीलाई भेट्न गएका नेपाली कांग्रेसका सभापति शेरबहादुर देउवाले डा.केसीलाई अनशन तोड्न आग्रह गरेका छन् ।
अनसनस्थल पुगेका सभापति देउवाले भनेका थिए, हामी अझै धेरै लामो लडाइँ लड्नु छ, सँगै लडौँला अनशन तोड्नुस केसी जी । बिहीबार शिक्षण अस्पताल महाराजगञ्ज पुगेर देउवाले डा. गोविन्द केसीको स्वास्थ्य अवस्था विग्रँदै गएको बताएका थिए ।
देउवाले माफियाहरुको विरुद्ध लड्नुपर्ने र त्यसमा तपाईँको पनि साथ चाहिएको भन्दै अनशन तोड्न आग्रह गरेको नेपाली काँग्रेसका युवा नेता गगन थापाले जानकारी दिए । थाप पनि देउवासँगै अनशनस्थलमा पुगेका थिए । सभापति देउवाले ज्यान फालेर भन्दा पनि ज्यान जोगाएर माफिया विरुद्ध लड्न सकिने बताएका थिए ।
सभापति देउवा बिहिबार दिउँसो ४ बजे डा केसीलाई भेट्न टिचिङ अस्पताल पुगेका थिए । केसी पुस २५ देखि आमरण अनसनमा छन् ।
तर उनीहरुको आग्रह पछि पनि डा.केसीले अनशन नतोड्ने बताएका छन् । उनले आफूले अनशनबाटै सरकारसँग लड्ने भन्दै अहिले नै अनशन नतोड्ने बताएका थिए ।
सरकारले अहिलेसम्म अनसन बसेका डा.केसीको माग सुनुवाईका लागि कुनै पहल गरेको छैन । यस विषयमा सरकार बोलेको छैन ।
डा.केसीको मागप्रति ऐक्यवद्धता जारी
डा केसीको मागमा नागरिक समाजले ऐक्यवद्धता जनाउने क्रम जारी छ । बुधबार पूर्व प्रधानन्यायाधीश सुशीला कार्की गइन् । उनले डा केसीका सबै माग जायज भएकाले पूरा गर्न सरकारलाई आग्रह गरेकी थिइन् । त्यसैगरी बिहीबार पेशागत महासंघले माइतीघर मढडेलाबाट उनको समर्थनमा जुलुश प्रदर्शन गरेको थियो ।
चिकित्सको संघको आह्वानमा भोलि स्वास्थ्य सेवा ठप्प
यसैबीय डा.केसीको मागको पक्षमा नेपाल चिकित्सक संघले भोलि इमर्जेन्सीबाहेकका अरु सेवाहरु ठप्प पार्ने चेतावनी दिएको छ । संघले भाोलि देशभरिको अस्पतालमा इमर्जेन्सीबाहेकका सेवाहरु, ओपिडी आदि बन्द गर्ने आन्दोलनका कार्यक्रम घोषणा गरेको थियो । संघले दिएको ७२ घन्टे अल्टिमेटमको समयमा पनि डा.केसीको माप पूरा नगरेको र जबर्जस्ती संसदबाट चिकित्सा शिक्षा विधेयक पास गरेको भन्दै त्यसका विरुद्धमा आन्दोलन सुरु गरेको थियो ।
