सुर्खेत । आफ्नो प्रदेशलाई गरिब प्रदेशको संज्ञा दिने कर्णाली प्रदेशका मन्त्री भने धनी बन्ने दाउमा छन् । कुनैपनि औपचारिक कार्यक्रममा जाँदा भत्ता नबुझ्ने निर्णय मन्त्री आफैंले उल्लङ्घन गरेका छन् ।
आइतबार वीरेन्द्रनगरमा प्रदेश सरकारका भौतिक पूर्वाधार मन्त्री खड्क खत्रीले एक गोष्टीमा सहभागी भएबापत एक हजार रूपैयाँ भत्ता बुझेका हुन् ।
त्यसो त खत्री मन्त्रीहरूद्वारा सार्वजनिक सम्पत्ति विवरण अनुसार कर्णाली प्रदेशका सबैभन्दा धनी मन्त्री समेत हुन् ।
कार्यक्रममा सहभागी प्रदेश सभाका सदस्यहरू, गाउँपालिका तथा नगरपालिकाका जनप्रतिनिधि, प्रदेशका कर्मचारी सबैले एक हजारका दरले भत्ता बुझेका थिए ।
प्रदेश मन्त्रिपरिषद्ले यसअघि नै कसैबाट भत्ता नलिने र लिन पनि नदिने निर्णय गरेको थियो ।
