जनकपुर । उत्तरीपूर्वी धनुषाको मिथिला नगरपालिका ३ हरिहरपुरस्थित मगरटोलमा बिहीवार ११ वर्षीया रेश्मा रसाइली जलाएर हत्या गरेको अवस्थामा शव फेला परेको छ ।
धनुषाका प्रहरी उपरीक्षक शेखर खनालका अनुसार मगरटोलवासीहरु खेतमा काम गर्न जाने क्रममा गाउँ नजिककै उखुवारीमा किशोरीको आधा जलेको शव देखे पछि प्रहरीलाई सूचना दिएका थिए ।
बुधवार राती गाउँमै भएको विवाहमा स्थानीयले रेश्मालाई विवाहमा नाचगानमा रमाउँदै गरेको देखेका थिए। विवाहस्थलबाटै कसैले किशोरीलाई ललाईफकाई वा जर्बजस्ती उखुबारीतर्फ लगेको हुनसक्ने आशंका छ।
