v
भारतले हिजो पाकिस्तानको बालाकोटमा गरेको हवाई आक्रमणबाट जैस ए मोहम्मद संगठनको तालिम केन्द्र ध्वस्त पारेको भन्दै संगठन चलाईरहेका मुख्य मसूद अजहरका बहिनी ज्वाई मौलाना यूसूफ अजहरसहित अन्य कमाण्डरहरुको मृत्यु भएको भारतको दाबी थियो । भारतले पुलवा आक्रमणपछि पनि सो क्षेत्रमा जैस ए संगठनले भारतमा फेरी आक्रमण गर्ने योजना बनाई तालिम दिईरहेको भन्ने सूचना पाएपछि आक्रमण गरेको बताएको थियो ।
जुन आक्रमणमा ३ सय भन्दा बढि आतंककारीको ज्यान गएको भारतले दाबी गरेको थियो तर जैस ए मोहम्मद संगठनले मौलाना यूसूफ अजहर अझै पनि जिउँदै रहेको दाबी गरेको छ ।भारतले हवाई आक्रमण गरेको बेला उनी त्यहाँ नभएको उसले दाबी गरेको छ । त्यतीमात्र होईन भारतले आक्रमण गरेको बालाकोटमा कुनै पनि तालिम केन्द्र समेत नभएको र आफुहरुको कुनै कमाण्डर पनि नमरेको दाबी गरेको छ । मौलाना यूसूफ अजहर अहिले कहाँ छन् भन्ने यकिन छैन तर उनी सुरक्षित स्थानमा रहेको संगठनले दाबी गरेको छ ।
मौलाना यूसूफ अजहर पञ्जाब प्रान्तका नागरिक हुन् । उनको वास्तविक नाम मौलाना यूसूफ अजहरे होईन र उनको वास्तविक नाम के हो भन्ने बारेमा अझै थाहा हुन सकेको छैन । उनी संगठनको निकै सक्रिय सदस्य समेत हुन । जसको मृत्यु भएको दाबी भारतले गरेको थियो । मौलाना यूसूफ अजहरेको मृत्यु भएको दाबी गर्दे भारतले आफनो ठुलो उपलब्धी बताएको थियो । जसलाई संगठनले भारतको प्रोपग्राण्डा मात्र भएको उल्लेख गरेको छ । एजेन्सी
