काठमाडौँ । दुर्घटनामा परको हेलिकप्टर थाप्लेमा भेटिएपछि प्रधानमन्त्री केपी शर्मा ओलीले बालुवावाटरमा मन्त्रिपरिषद्को आकिस्मक बैठक बोलाएका छन् । बैठक आज ३ बजेका लागि बोलाइएको हो ।
संस्कृति, पर्यटन तथा नागरिक उड्ड्यन मन्त्री रवीन्द्र अधिकारी चढेको दुर्घटना हेलिकप्टर थाप्लेमा भेटिएको छ।
दुर्घटना परेको हेलिकप्टरमा पर्यटन मन्त्री अधिकारी, यति एयरलाइन्सका अध्यक्ष आङछिरिङ शेर्पा, प्रधानमन्त्रीका सरकारी स्वकीय सचिव युवराज दाहाल र अर्जुन गुरुङसहित ६ जना सवार रहेका बताइएको छ।
कल साइन एएमआई (अल्फा माइक इन्डिया) कल साइन भएको उक्त हेलिकप्टर हेलिकप्टर काठमाडौंबाट बिहान साढे ८ बजे उडेको थियो।मन्त्री रवीन्द्र अधिकारीसहितका टोली तेह्रथुमको अठराई गाउँपालिका रहेको चुहानडाँडामा बनाउन लागिएको विमानस्थल सम्भाव्यता अध्ययन गर्न बुधबार काठमाडौँबाट उडेका थिए ।
दुर्घटनाको थप विवरण आउन बाँकी छ।
