काठमाडौँ । इभान राकिटिकको निर्णायक गोलको मद्दतले बार्सिलोनाले स्पेनिस ला लिगा फुटबलमा रियल मड्रिडलाई पराजित गरेको छ ।
शनिबार राति भएको एल क्लासिको भिडन्तमा बार्सिलोनाको जितमा राकिटिकले निर्णायक गोल गरे ।
आफ्नै घरेलु मैदानमा बार्सिलोनालाई पराजित गर्न रियललाई अवसर थियो । तर उसको अवसर पूरा हुन सकेन ।
खेलको २६औं मिनेटमा राकिटिकले गोल गर्दै बार्सिलोनालाई अग्रता दिलाएका थिए । पहिलो हाफमा अग्रता बनाएको बार्सिलोनाले दोस्रो हाफमा खेल रक्षात्मक खेल्दै आफ्नो अग्रतालाई कायमै राख्न सफल भयो ।
शीर्ष स्थानमा रहेको बार्सिलोनाले जितसँगै २६ खेलबाट ६० अंक बनाएको छ । पराजित रियलको भने २६ खेलबाट ४८ अंक छ ।
ला लिगा लिगअन्तर्गत शनिबार राति नै भएका अन्य खेलमा स्पानियोलले रियल भ्यालडोलिडलाई ३–१ ले, अलभेसले भिलारियललाई २–१ ले र अलभेसलाई हुइस्काले सेभियालाई २–१ गोलअन्तरले पराजित गरेका छन् ।
