काठमाडौँ । अरुको नाममा रहेको सिमकार्ड प्रयोग गर्न नपाइनेगरी नेपाल दूरसञ्चार प्राधिकरणले
ई–केवाईसी सिस्टम ल्याउन लागको छ । अर्काको नाममा रहेको सिमकार्ड प्रयोग गरी आपराधिक क्रियाकलाप गर्ने प्रवृत्ति बढेको भन्दै प्रधानमन्त्री कार्यालयबाट गुनासो आएपछि उक्त
सिस्टम ल्याउन लागिएको हो ।
प्राधिकरणका प्रवक्ता मीनप्रसाद अर्यालका अनुसार प्राधिकरणले ई–केवाईसी सिस्टम ल्याउन लागको छ । अर्यालले भने, ‘ई–केवाईसी सिस्टम’ को कार्यविधिमा प्राधिकरणले अर्काको नाममा रहेको सिमकार्ड प्रयोग गर्न नमिल्नेगरी व्यवस्थापन गर्न लागेको हौं ।” उनका अनुसार अरुको सिमकार्ड प्रयोग गरेर जिस्काउने,धम्काउने र बिभिन्न क्रियाकलाप गर्ने क्रम बढेपछि यस्तो कार्यविधि बनाइन लागिएको हो ।
सिमकार्ड दुरुपयोग गर्ने, एउटैको नाममा धेरै सिमकार्ड लिनेजस्ता प्रवृत्ति रोक्न ई–केवाईसी सिस्टमले मद्दत गर्ने अर्यालले बताए ।
