विराटनगर । प्रमुख प्रतिपक्षी दल नेपाली कांग्रेसका सभापति शेरबहादुर देउवाले पार्टीको १४ औं महाधिवेशन समय र परिस्थितिमा निर्भर रहने बताएका छन् । देउवाले तोकिएकै मितिमा महाधिवेशन गठर्ने सहमति भए महाधिवेश हुने बताएका हुन् ।
विराटनगर विमानस्थलमा बिहीबार संचारकर्मीसँग कुरा गर्दै देउवाले तोकिएकै मितिमा महाधिवेशन आयोजना गर्न सक्दो प्रयास गर्ने बताएका छन् । उनले भने, यदि महाधिवेश गर्न सकिएन भने जस्तो परिस्थिति आउँछ त्यही अनुसार अघि बढ्ने हो।
उनले बुधबार बिहानै नेता प्रकाशमान सिंहको काठमाडौंको चाक्सीबारीस्थित घरमा बसेको गोप्य बैठकलाई आफुले सामान्य रुपमा लिएको बताएका छन् ।
रामचन्द्र पौडेल, कृष्णप्रसाल सिटौला, शंसाक कोइराला, शेखर कोइराला, अर्जुनरसिंह केसी, गगन थापा, चन्द्र भण्डारीलगायतका नेताहरु बैठकमा बस्नु भएछ यसलाई नराम्रो रुपमा लिन हुँदैन, सभापति देउवाले भने, त्यस्ता छलफल र बैठकले पार्टीभित्र कुनै फरक पार्ने पनि छैन।
