महेन्द्रनगर । कञ्चनपुरको कृष्णपुर– ५ गुलरियामा रहेको महाकाली गौरब विल्र्डस क्रसर उद्योगमा अज्ञात समूहले आगजनी गरेको छ।
उक्त क्रसर उद्योग सोमबार बिहान १ बजेतिर आगजनी भउको प्रहरीले जनाएको छ । आगजनीबाट उद्योगमा रहेको से १ क २५८ नम्बरको जेसीबी पूर्ण रुपमा जलेको छ।
उद्योग नजिकै इन्कलाव जिन्दावाद लेखिएको पर्चामा फेला परेको छ । उक्त पर्चामा महाकाली गौरब विल्र्डसले गुणस्तरीय काम नगरेको, मजदुरको रकम नदिएको, अवैधानिक रुपमा क्रसर चलाएको लगायतका आरोपहरु लगाएका छन् ।
पर्चामा कमजोरी सच्याउन चेतावनी दिइएको छ।आगजनी कसले गरेको भन्ने केही नखुलेको जिल्ला प्रहरी कार्यालयका प्रहरी प्रवक्ता डीएसपी कृष्णराज ओझा बताए ।
पेट्रोल छर्केर क्रसर उद्योगमा आगजनी भएको छ, डीएसपी ओझाले भने, घट्नाका बारेमा प्रहरीले अनुसन्धान गरिरहेको छ।
प्रहरीले आगजनीमा संलग्न भएकाहरुको खोजि तीब्र पारेको छ। मापदण्ड विपरित क्रसर स्थापना गरेको भन्दै त्यहाँ स्थानीयले विरोध समेत गरेका थिए।
