काठमाडौँ । भूमिसुधार तथा मालपोत कार्यालय, राजविराज, सप्तरीमा कार्यरत कर्मचारी नायब सुब्बा राम नारायण शर्मा र कम्प्युटर अपरेटर राजेश कुमार साहविरुद्ध मुद्दा दायर गरिएको छ ।
शर्मा र साहले मोही जग्गाको बाँडफाँड भई श्रेस्ता कायम गरी जग्गा धनीपुर्जा बनाइदिने भनी विभिन्न बहानामा सेवाग्राहीसँग घुस रकममाग गरिरहेको भन्ने सूचना एवं उजुरीको आधारमा अख्तियार दुरुपयोग अनुसन्धानआयोगको कार्यालय, इटहरीबाटखटिई गएको टोलीले तीन हजार घुस रकम लिइसकेको अवस्थामा नियन्त्रणमा लिएको थियो ।
त्यस्तै, हेटौंडा सिमेन्ट उद्योग लिमिटेडका बरिष्ठ अधिकृत सातौं तहका मित्रलाल पौडेलविरुद्ध पनि मुद्दा दायर गरिएको छ । पौडेलले शैक्षिक योग्यताको प्रमाणपत्र छानबिनगर्दा विहार विद्यालय परीक्षा समिति, पटना, भारतबाट प्राप्त इन्टरमिडियट तहको नक्कली शैक्षिक योग्यताको प्रमाण पत्र पेश गरेको खुलेको हो ।
पौडेलले बरिष्ठ अधिकृत सातौं तह पदमा बढुवा नियुक्ति लिई लाभ तथा सुविधा समेत लिएको पुष्टि हुन आएको हुँदा निजको उक्त कार्य भ्रष्टाचार निवारण ऐन, २०५९ को दफा १६ को उपदफा (१) अनुसारको कसुर गरेको देखिन आएको हुँदा निजविरुद्ध विशेष अदालत काठमाडौँमा मुद्दा दायर गरिएको छ ।
