लाहान । ‘सयौं थुंगा फूलका हामी, एउटै माला नेपाली’ बोलको राष्ट्रिय गान गाएसँगै सिके राउत समूहले बैठक शुरु गरेका छन् । पूर्वपृथकतावादी नेता राउतको ‘स्वतन्त्र मधेस गठबन्धन’ को राष्ट्रिय परिषद बैठकमा राष्ट्रिय गानबाट बैठक शुरु गरेका हुन् ।
पञ्चकन्या लाहानमा आईतबार बैठकको लागि राउत पनि पुगेका थिए । बैठक शरु हुनुभन्दा अगाडि राष्ट्रिय गान गाउने मेलेमोसो चल्दै थियो । बैठकको सुरुवातमा ‘सयौं थुंगा फूलका हामी, एउटै माला नेपाली’ बोलको राष्ट्रिय गान गाएसँगै राउत समूहले बैठक शुरु गर्याे ।
सिरहाको लहानमा आइतवार अपरान्ह शुरु भएको दुई दिने बैठकका सहभागीहरुलाई नेपाली नागरिकता देखाउन अनिवार्य गरिएको छ ।
