काठमाडौँ । प्रदेश नम्बर २ सरकारले २ दिन सार्वजनिक बिदा दिने घोषणा गरेको छ ।
मिथिला मध्यमा परिक्रमालाई मध्यनजर गर्दै दुई दिनसम्म होली मनाइने भएकाले चैत ७ र ८ गते प्रदेशमा सार्वजनिक विदा दिइएको हो ।
मुख्यमन्त्री लालबाबुर राउतले एक प्रेस विज्ञप्ति जारी गर्दै होली पर्वलाई शान्तिपूर्ण तरिकाले हर्षोल्लासपूर्वक मनाउनका लागि सम्पूर्ण प्रदेशवासीमा हार्दिक आह्वान गरेका छन् ।
होली पर्वले समाजमा विद्यमान आपसी भाइचारा र सद्भावलाई थप बलियो बनाउने विश्वास लिँदै राउतले शुभकामना समेत दिएका छन् ।
