मलंगवा । आफ्नै श्रीमानले खुकुरी प्रहार गर्दा एक महिलाको ज्यान गएको छ। सर्लाहीको बरहथवामा नगरपालिका–५ मा उदयपुर सुरुङ्गाका रामजी विश्वकर्माले ३३ वर्षीया श्रीमती सुनिता विश्वकर्मामाथि खुकुरी प्रहार गरेका थिए ।
जिल्ला प्रहरी कार्यालय सर्लाहीका प्रहारी उपरीक्षक गोपालचन्द्र भट्टराईका अनुसार राती साँढे १० बजेतिर रामजीले श्रीमती सुनितामाथि खुकुरी प्रहार गरेका थिए ।
खुकुरी प्रहारबाट सुनिताको घटनास्थलमै ज्यान गएको थियो। प्रहरी नियन्त्रणमा रहेका रामजीले श्रीमतीले आफूलाई खुकुरीले प्रहार गर्न खोज्दा प्रतिकारमा उनको मृत्यु भएको बताएका छन् ।
मृतक सुनिताको शव पोष्टमार्टमका लागि जिल्ला अस्पताल मलंगवा ल्याइएको र घटनाबारे अनुसन्धान भइरहेको प्रहरी उपरीक्षक भट्टराईले बताए ।
