काठमाडौँ । यस अघि तीन पटक आइपिएलको उपाधि जितेको मुम्बई इण्डियन्स फाइनलमा पुगेको छ । चेन्नई सुपरकिंग्सलाई ६ विकेटले पराजित गर्दै फाइनलमा पुगेको हो ।
चेन्नईले दिएको १३२ रन पछाएको मुम्बईले १८.३ ओभरमा ४ विकेट गुमाउदै लक्ष्य पुरा गरेको थियो ।
मुम्बईका लागि सूर्यकुमार यादवले अविजित ७१ रन बनाएका थिए । त्यस्तै इशान किसनले २८ र हार्दिक पाण्डेयले अविजित १३ रन बनाएका थिए । त्यस्तै कप्तान रोहित शर्मा ४ र क्वेन्टन डी कक ८ रन बनाएर आउट भएका थिए ।
चेन्नईका बलर इमरान ताहिरले २ विकेट लिएका थिए भने हरभजन सिंह र दिपक चहरले एक एक विकेट लिएका थिए ।
यसअघि टस जितेर पहिला ब्याटिंग गरेको चेन्नईले २० ओभरमा ४ विकेट गुमाउदै १३१ रन बनाएको थियो ।
आइपिएल अन्तर्गत आज इलिमिनेटरको खेल अन्तर्गत दिल्ली क्यापिटल्स र सनराइजर्स हैदरावादबीच खेल हुदै छ । यस खेलको विजेताले दोस्रो क्वालिफायरमा चेन्नई सुपरकिंग्ससँग खेल्ने छ ।
