काठमाडौं । नेपालका युवा क्रीकेटर सन्दीप लामिछाने आज स्वदेश फर्किदै छन् । भारतका जारी ईन्डियन प्रिमियर लिग (आईपिएल) मा उनि आबद्ध टोली दिल्ली क्यापिटल्स लिगबाट बाहिरिएसँगै उनि नेपाल फर्किने भएका हुन् ।
शुक्रबार भएको दोस्रो क्वालिफायर खेलमा उनको टिम दिल्ली चेन्नई सुपर किग्ससगँ ६ विकेटले पराजित हुँदै प्रतियोगिताबाट बाहिएको थियो ।
नेपाली राष्टिय टिमका टेक्निकल म्यानेजर तथा सन्दीपको ब्यवस्थापन हेर्दै आएका रमन शिवाकोटीका अनुसार सन्दीप आज दिउँसो एयर ईन्डियाको बिमान मार्फत २ः३५ मा त्रिभुवन विमानस्थल आईपुग्ने छन् ।
यो सिजन ६ खेलमा आठ विकेट लिएका सन्दिपले खेलको अन्तिम खेलमा निकै महंगो बनेको थिए । आइपीएलमा पहिलो पटक सन्दीपले पुरै चार ओभर बलिङ गर्न पाएनन् । उनले यो सिजनमा क्रिस गेल, लोकेश राहुल, मोयन अली, सरफराज खान, साम कुरान जस्ता खेलाडीको विकेट लिएका थिए ।
गत सिजनमा आईपीएलमा डेव्यु गरेको सन्दीपले यस पटक चाडैंनै मौका पाएका थिए । २०१८ को आईपीएलमा अन्तिमका तीन खेल खेलका सन्दीपले सुरुको तेस्रो खेलमै टिममा स्थान बनाएका थिए ।
उनी यसपटक जेठ १ गतेबाट काठमाडौंमा हुने प्रधानमन्त्री कप एकदिवसिय राष्टिय क्रीकेट प्रतियोगितामा सहभागिता जनाउन सक्छ्न् । जसको आधिकारिक पुष्टि भने भएको छैन् ।
