नयाँ दिल्ली । निर्वाचनको नतिजा आउनु १ दिन अघि बुधबार भारतको अरुणाञ्चलमा भोटिङ मेसिन लुटिएको छ । भारतीय सञ्चारमाध्यम नवभारत टाइम्सको अनुसार अरुणाञ्चल प्रदेशको कुरुङ्ग कुमे जिल्लामा बुधवार साँझ ५०० भन्दा धेरै नकावधारीहरुको हुलले एक पोलिङ्ग टीममाथि हमला गरेर ईवीएम लुटेर लगेका हुन् ।
मीडिया रिपोर्ट्सका अनुसार साँझ करिब ५ बजे नेशनल पिपुल्स पार्टीका करिब ५०० समर्थकहरुले एके-४७ राइफलहरु, डण्डा र बन्दूकहरुको साथमा लांगबांग इलाका नजिक ती अधिकारीहरु माथि हमला गरेका हुन् । उनीहरुले पहिले टीमका सदस्यहरुलाई धम्काए र फेरि उनीहरुको साथबाट मौजूद ईवीएम र अन्य सामान खोसे । यसै समयमा उनीहरुले केही राउण्ड हवाई फायरिङ्ग समेत गरेका थिए । तर यसमा कुनै मानवीय क्षति भने भएन ।
गएको आइतबार सकिएको सत्रौं लोकसभा निर्वाचनको मतगणना आज (बिहीबार) विहान ८ बजेदेखि हरेक प्रदेशहरुमा सुरु हुँदैछ । लोकसभाको चुनाव ११ अप्रिलदेखि १९ मेसम्म ७ चरणमा सम्पन्न भएको थियो ।
हिंसाको आशंकाका कारण भारतको गृह मन्त्रालयले सबै राज्यमा उच्च सुरक्षा सतर्कता अपनाइएको छ । मतगणनालाई मध्येनजर गर्दै केन्द्रले सबै राज्यहरुसँग काउन्टिङ्ग स्थल र ईवीएम स्ट्रङ्न्ग रूम्सको सुरक्षा बढाउनको लागि पर्याप्त कदम उठान आग्रह गरेको छ ।
हिंसा आशंकाका कारण सबै राज्यका मुख्य सचिव र प्रहरी प्रमुखलाई सचेत गराइसकेको छ । गृह मन्त्रालयले राज्य र केन्द्रशासित प्रदेशले कानून र व्यवस्थालाई शान्त बनाइ राख्न आदेश पनि दिएको छ । राज्य र केन्द्रशासित प्रदेशहरुबाट स्ट्रङ्ग रूम्स तथा काउन्टिङ्ग सेन्टरहरुको सुरक्षा बढाउनको लागि पर्याप्त कदम उठाउनको लागि आग्रह गरिएको छ ।
