काठमाडौं । सर्वोच्चमा एनसेल कर विवाद लम्बिएर बृहत पूर्ण इजलासमा पुगेको छ । सर्वोच्चका न्यायाधीशहरु तेजबहादुर केसी, पुरुषोत्तम भण्डारी, डम्बरबहादुर शाही, सुष्मालता माथेमा र मनोजकुमार शर्मा रहेको बृहत पूर्ण इजलासले हेरिरहेको छ । मंगलबारको बहस नसकिएपछि अर्को पटक आगामी १० असारका लागि पेशी तोकिएको सर्वोच्चका सञ्चारविज्ञ किशोर पौडेलले जानकारी दिए ।
यसअघि एनसेल कर विवाद बृहत पूर्ण इजलासबाट नै टुंग्याउनु पर्ने भन्दै न्यायाधीशद्वय सपना प्रधान मल्ल र प्रकाशकुमार ढुंगानाको संयुक्त इजलासले आदेश दिएको समाचार आजको नयाँ पत्रिका दैनिकमा प्रकाशित छ ।
