काठमाडौं । आज निर्धारित समयमा आफूले संसदमा बोल्न नपाएपछि प्रधानमन्त्री केपी शर्मा ओलीले आज अपरान्ह सिंहदरबारमा पत्रकार सम्मेलन गर्ने भएका छन् ।
प्रधानमन्त्री ओलीले आज अपरान्ह ५ बजे सिंहदरबारमा पत्रकार सम्मेलन गर्न लागेको प्रधानमन्त्री कार्यालयले जनाएको छ । प्रमुख विपक्षीको अवरोध गर्दै संसदमा सम्बोधन गर्न नलिएपछि प्रधानमन्त्री केपी शर्मा ओलीले पत्रकार सम्मेलन गर्ने भएको सो कार्यालयले जानकारी दिएको छ ।
मंगलबार मध्यान्ह करिब १२ बजे संसदमा सम्बोधन गर्न रोष्टममा पुगिसकेका बेला विपक्षी सांसदहरुले नाराबाजी गरेका थिए । त्यसपछि सभामुखले भोलिसम्मका लागि संसद बैठक स्थगित गरेका थिए ।
प्रधानमन्त्री ओलीले कांग्रेसको अवरोधका कारण आफूले युरोप भ्रमण र गुठी विधेयक लगायत समसामयिक विषयमा सदनलाई जानकारी दिन नपाएको भन्दै दुःख व्यक्त गरेका छन् ।
