एजेन्सी । इंग्लिस प्रिमियर लिग फुटबल अन्तर्गत टोटेनहमले जित निकालेको छ । आइतबार राति भएको खेलमा टोटेनहमले वेस्टहाम युनाइटेडलाई ३-१ गोलले पराजित गरेको हो ।
खेलको नवौं मिनेटमा वेस्टहामका कर्ट जोउमाको आत्मघाती गोलबाट टोटेनहमले सुरुवाती अग्रता दिलाएका थिए , यस्तै, २४ औं मिनेटमा सन हेउंग मिनले गोल गर्दै टोटेनहमको अग्रता दोब्बर पारे ।
३५ औं मिनेटमा सेड बन्रहमाले गोल गर्दै वेस्टहामलाई २-१ को स्थितीमा ल्याए । तर, ८८ औं मिनेटमा सनले नै व्यक्तिगत दोस्रो तथा टिमका लागि तेस्रो गोल गर्दै टोटेनहमको जित सुनिश्चित गरे ।
जितसँगै टोटेनहम २९ खेलबाट ५१ अंकसहित तालिकाको पाँचौं स्थानमा रहेको छ । यता पराजित वेस्टहाम ३० खेलबाट ४८ अंकसहित सातौं स्थानमा रहेको छ ।
आइतबार राति नै भएको अर्को खेलमा लेस्टर सिटीले बेन्टफोर्डलाई २-१ गोलले पराजित गरेको छ ।
खेलको २० औं मिनेटमा टिमोथी कास्टाग्नेले गोल गर्दै लेस्टरलाई सुरुवाती अग्रता दिलाएका थिए । यस्तै, ३३ औं मिनेटमा जेम्स म्याडिसनले गोल गर्दै लेस्टरको अग्रता दोब्बर पारे ।
८५ औं मिनेटमा योने विसाले गोल गरेपनि बेन्टफोर्डको हार टार्न सकेनन् । जितसँगै २७ खेलबाट ३६ अंक जोडेको लेस्टर तालिकाको दशौं स्थानमा रहेको छ भने ३० खेलबाट ३० अंकसहित बेन्टफोर्ड १५ औं स्थानमा छ ।
