नायक रमित ढुंगाना धमकेदार कमब्याकको तयारीमा छन् । उनले एउटा चलचित्रका लागि १८ लाख लिएर काम गर्न लागेको चर्चा भैरहेको छ । ढुंगानाले काम गर्न लागेको चलचित्र ‘राजा साहेब’ हो। रमितको मुख्य भूमिका रहने फिल्म ‘राजा साहेब’को कोटेश्वर स्थित महादेव मन्दिरमा शुभ मूहुर्त गरिएको छ ।
चलचित्रमा रमित साइको भूमिकामा देखिनेछन् । साथमा उनले चलचित्रमा एक्सनका दृश्य पनि धेरै भएको बताए ।
‘किराती फिल्मस्’ र ‘आकाश फिल्मस्’को संयुक्त व्यानरमा बिचल किरातीको निर्देशनमा बन्न लागेको फिल्ममा रमितसँगै धिरेन शाक्य, जयकिशान बस्नेत, उमेश खड्का, प्रज्जवल गिरी, टार्जनलगायतको मुख्य भूमिका रहने छ । यसै फिल्मबाट सोनिका केसी र आइशा राईले नायिकाको रुपमा डेब्यु गर्दैछन् ।
शंकर न्यैपाने, आकाश राई र आइशा राई कार्यकारी निर्मातामा रहेका छन् ।चन्द्र लामा, ज्याक शुब्बा र भिम कार्की निर्माताको रुपमा रहेको फिल्मका सिसम डागी सह–निर्माता हुन् ।
ओम सुनुवारको संगीत, रामजी लामिछानेको नृत्य, श्री श्रेष्ठको द्वन्द्व रहने फिल्म बुधबारबाट छायांकनमा जाने कार्यक्रममा जानकारी दिइयो ।
चलचित्रमा रमित साइको भूमिकामा देखिनेछन् । साथमा उनले चलचित्रमा एक्सनका दृश्य पनि धेरै भएको बताए ।
