![](https://newspolar.com/wp-content/uploads/2022/03/94925366_1310845455776772_2074806809872302080_n.jpg)
![](https://newspolar.com/wp-content/uploads/2019/08/Mobile1.jpg)
मोरङ । मोरङ लेटाङ नगरपालिकामा बुधबार मोबाइलमा गेम खेलिरहेका एक किशोरको करेन्ट लागेर ज्यान गएको छ। लेटाङ—३ त्रिशूली चोकका पदमबहादुर राईका १५ वर्षीय छोरा शौजन राईको गएराति सवा १ बजेतिर मृत्यु भएको हो ।
चार्जमा राखेको मोबाइलबाट करेन्ट लाग्दा राईको मृत्यु भएको जिल्ला प्रहरी कार्यालय मोरङकाका डीएसपी राजकुमार खिइजुले जानकारी दिए ।
सौजन बुधबार राति साथी सुरज राईको घरमा सुत्न गएका थिए । दुबैजना एउटै खाटमा सुतेका थिए । खाटको छेउमा सुतेका सौजनलाई मोवाइल चार्जमा राखेर गेम खेल्ने क्रममा एक्कासी करेन्ट लागेको थियो ।
प्रहरीले यस घटनाबारे अनुसन्धान भइरहेको जनाएको छ।