वीरगन्ज । आफू अपहरणमा परेको हल्ला चलाएको आरोपमा दुई जना पक्राउ परेका छन् पक्राउ पर्नेमा पर्साको विन्दवासिनी गाउँपालिका–४ मधुवल घर भएका २३ वर्षीय उपनेस चौरिसया र उत्तम भनिने निरन्जन तिवारी रहेका छन् ।
मंगलबार (साउन १४ गते) चौरिसया घरबाट आफैं मोटरसाइकल चलाएर निस्किएका थिए ।सोही दिन उनी सीमावर्ती भारतीय शहर रक्सौल पुगे । केही साथीलाई पनि त्यहाँ बोलाए ।
घरबाट आफैं मोटरसाइकल चलाएर निस्किएका उपनेशबारे वीरगन्जमा हल्ला अपहरणमा परेको हल्ला चलेको थियो।उपनेशको अपहरण भएको भन्ने हल्ला चलेपछि प्रहरीले उनका साथी उत्तम भनिने निरन्जन तिवारीलाई नियन्त्रणमा लिएर सोधपुछ थाल्यो ।
प्रहरीले सोधपुछ शुरु गरेपछि निरन्जनले वास्तविक कुरा बताएका थिए । जिल्ला प्रहरी कार्यालयका पर्साका अनुसार अहिले दुवै जनामाथि थप अनुसन्धान भइरहेको छ ।
