काठमाडौँ । नेपाली कांग्रेसको सभापति चयनका लागि दोस्रो चरणमा भएको मतदानको गणना मंगलबार राति १० बजेपछि हुने भएको छ ।
राति ८ बजे मतदान सकिने अनुमानसहित १० बजेपछि मतगणना हुने निर्वाचन समितिका सदस्य तेज बहादुर रावलले जानकारी दिए ।
पहिलो चरणमा कसैले पनि ५० प्रतिशत मत कटाउन नसकेपछि चुनाव दोस्रो चरणमा गएको हो । मतदान अहिले प्रदर्शनीमार्गस्थित राष्ट्रिय सभा गृहमा जारी छ ।
सभापतिका लागि शेरबहादुर देउवा र शेखर कोइराला प्रतिस्पर्धा छन् ।
पहिलो चरणमा देउवाले २२५८ मत पाएका थिए भने कोइरालाले १७०२ मत ल्याएका थिए ।
देउवालाई पहिलो चरणमा सभापतिका पत्यासीत्रय प्रकाशमान सिंह, विमलेन्द्र निधि र कल्याण गुरुङले समर्थन गर्ने घोषणा गरेपछि देउवा सभापतिमा पुनः निर्वाचित हुने लगभग पक्कापक्की छ ।