विराटनगर । मोरङको ग्रामथान गाउँपालिका–१ का बिहीरा माझीको घरमा बुधबार राति आगलागी भएको छ।
राति १० बजे लागेको आगो स्थानीय र प्रहरीको सहयोगमा नियन्त्रणमा लिइएको मोरङ प्रहरीका प्रवक्ता डीएसपी राजकुमार खिउजुले बताए।
आगलागीमा माझीको फुसको छानो भएको घरसहित ३५ मन धान, दुई सय किलो चामल, लत्ताकपडा, एउटा सोलार, फर्निचरका सामानलगायत जलेर खरानी हुँदा करिब दुई लाख रुपैयाँ बराबरको क्षति भएको प्रहरीले जनाएको छ।
उनका अनुसार आगलागीपछि माझी परिवारको बिचल्ली भएको छ।आगलागीको कारण खुल्न नसकेको र प्रहरीले घटनाको अनुसन्धान सुरु गरेको बताए।
