कपिलवस्तु । तौलिहवा लुम्बिनी सडकखण्डको दोहनीमा ट्याक्टरको ठक्करबाट सोमबार बिहान एक महिलाको मृत्यु भएको छ।
तौलिहवाबाट पकडीतर्फ जाँदै गरेको लु २ त ५८३९ नम्बरको ट्याक्टर र विपरित दिशाबाट आउँदै गरेको भारतीय नम्बर प्लेट युपी ५५ एस ०२१८ नम्बरको मोटरसाइकल ठोक्किँदा मोटरसाइकलमा सवार मायादेवी गाउँपालिका– २ अभिरावकी ४२ वर्षीया प्रमिला यादव गम्भीर घाइते भएकी थिइन्।
घाइते यादवको उपचारका क्रममा तौलिहवा अस्पतालमा मृत्यु भएको प्रहरीले जनाएको छ।मृतक यादवका छोरा मोटरसाइकल चालक संजय यादव, मोटर साइकल र ट्याक्टर प्रहरी नियन्त्रणमा रहेका छन्। ट्याक्टर चालक भने फरार रहेको र उनको खोजी भइरहेको प्रहरी उपरीक्षक दीप शमशेर जबराले बताए।
