• ३ असार २०८१, सोमबार
  •      Mon Jun 17 2024
  •   Unicode
Logo

सल्यानमा चार थान भरुवा बन्दुकसहित दुई जना पक्राउ



सल्यान । सल्यानमा चार थान भरुवा बन्दुकसहित दुई जना पक्राउ परेका छन् । पक्राउ पर्नेमा बालुवाका ७० वर्षीय चन्द्रबहादुर रोका र स्थानीय टेकबहादुर कुमाल रहेका छन् ।

जिल्ला प्रहरी कार्यालय र सशस्त्र प्रहरी बल सल्यानबाट गस्तीमा खटिएको संयुक्त टोलीले कालीमाटी गाउँपालिका–५ बालुवाको मनिकापुरमा उनिहरुलाई पक्राउ गरेको जिल्ला प्रहरी कार्यालयमा सल्यानका प्रहरी नायब उपरीक्षक विरेन्द्रबहादुर शाहीले जानकारी दिए ।

दुवै जनाले घरमा लुकाई राखेको अवस्थामा बरामद गरेको हो । पक्राउमा परेकालाई हिरासतमा राखेर अनुसन्धान भइरहेको प्रहरी नायब उपरीक्षक शाहीले बताए ।