जाजरकोट । जंगली च्याउ खाएर जाजरकोटमा आमाछोराको मृत्यु भएको छ। बारेकोट गाँउपालिका ८ बन्डाला निवासी ५० वर्षीया मनमाया कुमाई र उनका १३ वर्षीय छोरा योगराज कुमाईको च्याउ खाँदा मृत्यु भएको हो।
आमा मनमायालाई उपचारका लागि नेपालगञ्ज लाने क्रममा मंगलबार सुर्खेतको मेहेलकुनामा मृत्यु भएको प्रहरीले जनाएको छ। छोरा योगराजको नेपालगञ्ज मेडिकल कलेजमा उपचारको क्रममा बुधबार मृत्यु भएको जिल्ला प्रहरी प्रमुख श्यामबहादुर खत्रीले बताए।
जिल्ला अस्पतालमा च्याउ खाएको दुई दिनपछि पुगेका थिए। भौगोलिक विकटता र घरमा अरु मानिस कोही नहुँदा उनीहरुले समयमा उपचार नपाएको प्रहरीले जनाएको छ ।
