विराटनगर । मोरङको रतुवामाई नगरपालिका–७ सिजुवामा खोलामा डुबेर शनिबार राति एक बालकको मृत्यु भएको छ। मृत्यु भएको अवस्थामा स्थानीय शिव मुखियाका १० वर्षीय छोरा आकाश मुखियाको शव फेला परेको हो।
मोरङ प्रहरीका प्रवक्ता डीएसपी राजकुमार खिँउजुले रतुवा खोलामा डुबेर मृत्यु भएको अवस्थामा राति ९ बजे शव भेटिएको बताए ।
पौडी खेल्ने क्रममा डुबेर बालकको मृत्यु भएको हुन सक्ने बताउँदै उनले घटनाका बारेमा अनुसन्धान सुरु गरिएको जानकारी दिए ।
